FASHION SHOW
ADABIY MEROS VA RAMZLAR UYG‘UNLIGI
“Meros — bu shunchaki kiyim emas. Bu — avloddan-avlodga o‘tadigan qadriyat, tarix va xotira. Kolleksiyada an’anaviy motivlar zamonaviy dizayn bilan uyg‘unlashib, bugungi ayolning o‘zligini, sabrini va nafis kuchini aks ettiradi.”
Toshkent shahri
11 fevral 2026
11 fevral 2026
Meros brendi o‘zining navbatdagi fashion pokazini taqdim etadi. Ushbu namoyish milliy adabiyot, tarixiy xotira va zamonaviy moda o‘rtasidagi falsafiy bog‘liqlikni sahnaga olib chiqadi.
Kolleksiya g‘oyasi o‘zbek adabiyotining buyuk namoyandasi Abdulla Qodiriy asarlaridan ilhomlangan. Uning ijodida muhim o‘rin tutgan ayol obrazi, oila, sadoqat va taqdir mavzulari Meros liboslari orqali vizual tilga ko‘chiriladi. Bu — adabiy merosning moda orqali qayta talqini.
Kolleksiyaning markaziy timsoli — lola guli. Lola bu namoyishda hayotning davomiyligi, muhabbat va avlodlar o‘rtasidagi uzviy bog‘liqlik ramzi sifatida talqin etiladi. Lola obrazlari ranglar, kashta naqshlari va siluetlar orqali liboslarda o‘z aksini topadi.
Fashion pokazi davomida meros cho‘ponlarning avloddan-avlodga o‘tish jarayoni sahnada performans tarzida namoyish etiladi. Cho‘ponlar onalardan qizlarga, qizlardan esa nevaralarga o‘tib borib, vaqt o‘tishi bilan oilaviy merosga aylanadi. Ushbu jarayon sahnada jonli obrazlar orqali ko‘rsatilib, tomoshabinni an’anaviy qadriyatlarning ichki mohiyatiga olib kiradi.
Shuningdek, namoyish doirasida kashtachilik namunalari ko‘rgazmasi tashkil etiladi. Bu ko‘rgazma — meros cho‘ponlarning dunyoga kelish jarayonining muhim bir qismi bo‘lib, aynan o‘sha kuni tomoshabinlarga taqdim etiladi. Kashta bu yerda bezak emas, balki xotira, sabr va ayol qo‘lining tarixidir.
Kolleksiyada kuyovlar uchun mo‘ljallangan cho‘ponlar ham alohida o‘rin egallaydi. Ushbu yo‘nalish an’anaviy erkak liboslariga yangicha qarashni taklif etib, oilaviy meros faqat ayollarga emas, balki erkaklar obrazida ham davom etishini ifodalaydi.
Brend asoschisi Noila Usmonova ushbu namoyish orqali shunday g‘oyani ilgari suradi:
Meros — bu shunchaki kiyim emas. Bu — oila xotirasi, avlodlar o‘rtasidagi ko‘prik va vaqt sinovidan o‘tadigan qadriyat.
Meros fashion pokazi
Bu moda, adabiyot va hunarning yagona sahnada uchrashuvi bo‘lib, milliy o‘zlikni zamonaviy estetikada namoyon etuvchi madaniy voqeadir.
OAV vakillari uchun
Mazkur fashion pokaz madaniyat, moda va san’atga oid OAV vakillari uchun ochiq. Tadbir davomida foto va video tasvirga olish imkoniyati mavjud. Qo‘shimcha ma’lumot va akkreditatsiya masalalari bo‘yicha tashkilotchilar bilan bog‘lanish mumkin.
Aloqa uchun
Nodira Ismoilova
Tel.: +90 047 22 21
Tel.: +90 047 22 21
NAMOYISH O'TISH JOYI